المدونة
أهم ادوات وفرش المكياج.. لازم تكون موجودة عند كل بنت!
لو عايزة مكياجك يطلع احترافي، لازم يكون عندك أدوات توزيع ودمج المكياج . الأدوات مش بس بتسهل عليكي، لكن كمان بتخلي النتيجة النهائية طبيعية وناعمة ومتساوية كويس. علشان كدة هقولك أهم الأدوات اللي لازم تكون في شنطة مكياجك علشان يطلع معاكي اللوك النهائي مظبوط كويس .أنواع فرش المكياج الأساسية واستخداماتها
اولاً فرش الوجة الأساسية
1. فرشاة كريم الأساس (Foundation Brush)
- شكلها بيكون مسطح أو مدور بشعيرات قصيرة وكثيفة.
- وظيفتها توزيع كريم الأساس بشكل متساوي على البشرة بدون هدر للمنتج.
- بتدي تغطية متوسطة إلى كاملة حسب طريقة التطبيق.
2. فرشاة بودرة الأساس (Powder Brush)
- كبيرة الحجم، شعيراتها ناعمة وواسعة.
- بتستخدم لتثبيت كريم الأساس بالبودرة، وبتساعد على إطفاء اللمعان الزائد.
3. فرشاة الكونسيلر (Concealer Brush)
- صغيرة الحجم، غالبًا شعيراتها مائلة أو مدببة.
- بتستخدم لتغطية الهالات السوداء والبقع بدقة، خصوصًا تحت العين.
4. فرشاة البلاشر (Blush Brush)
- فرشاة مائلة أو مدورة، شعيراتها ناعمة.
- بتساعد على وضع أحمر الخدود بشكل طبيعي على تفاحات الخدود.
5. فرشاة الكونتور (Contour Brush)
- فرشاة ذات شعيرات مائلة أو مدببة، حجمها متوسط.
- بتستخدم لتحديد ملامح الوجه، زي تحت الخدود وجوانب الأنف.
6. فرشاة الهايلايتر (Highlighter Brush)
- صغيرة ومدببة أو على شكل مروحة.
- بتستخدم لوضع الهايلايتر على عظمة الخد، أعلى الأنف، وقوس الحاجب.
ثانياً فرش العيون واستخداماتها بالتفصيل
العيون هي سر جمال المكياج، ولازم تعرفي كل فرشة وظيفتها ايه عشان تطلعي بأفضل نتيجة لرسم العيون. وهنا هوضحلك اكتر عن أهم أنواع فرش العيون:
| اسم الفرشة | شكلها ووظيفتها |
|---|---|
| فرشاة ظلال العيون الكبيرة (Eyeshadow Brush) | فرشاة مسطحة أو مدورة بشعيرات ناعمة وكثيفة، بتستخدم لوضع لون الأساس على الجفن كله. |
| فرشاة الدمج (Blending Brush) | فرشاة مدورة ورقيقة، شعيراتها طويلة وناعمة، وظيفتها تمويه ودمج ألوان الظلال بشكل سلس وطبيعي. |
| فرشاة مدببة (Pencil Brush) | صغيرة ومدببة، بتستخدم لتحديد الزوايا الدقيقة للعين أو وضع لون مركز على خط الرمش السفلي. |
| فرشاة مروحة (Fan Brush) | فرشاة رفيعة على شكل مروحة، بتستخدم لإزالة الفائض من ظلال العيون أو لوضع الهايلايتر برقة. |
| فرشاة مسطحة صغيرة (Flat Shader Brush) | فرشاة صغيرة مسطحة، بتستخدم لوضع ألوان ظلال مركزة أو لامعة على الجفن بدقة. |
| فرشاة الآيلاينر (Eyeliner Brush) | فرشاة رفيعة ومدببة جدًا، بتستخدم لرسم خطوط الآيلاينر السائلة أو الجل بدقة. |
ازاي تستخدمي كل فرشة لمكياج العيون بالتفصيل..
- فرشاة ظلال العيون الكبيرة:
دي أول فرشة بتستخدميها عشان تحطي لون الأساس على الجفن كله، سواء لون محايد أو لون فاتح، وده بيهيئ الجفن لباقي الألوان. - فرشاة الدمج:
دي أهم فرشة في مكياج العيون، بتستخدميها لتمويه الألوان ودمجها مع بعض، علشان مايبقاش فيه خطوط واضحة بين الألوان. - فرشاة مدببة (Pencil Brush):
مناسبة جدًا لتحديد الزوايا الخارجية للعين أو وضع لون مركز على خط الرمش السفلي، بتديكي دقة في التفاصيل. - فرشاة مروحة:
بتساعد في إزالة أي ظلال زايدة أو ترسيب على تحت العين، وكمان بتستخدميها لوضع هايلايتر على عظمة الحاجب أو تفاحات الخدود. - فرشاة مسطحة صغيرة:
مناسبة لوضع ألوان ظلال مركزة أو لامعة على الجفن، خصوصًا لو عايزة تركيز لون معين. - فرشاة الآيلاينر:
لو بتحبي ترسمي آيلاينر سائل أو جل، الفرشاة دي هتديكي تحكم كامل في رسم خطوط دقيقة وأنيقة.
نصيحة مهمة مع استخدام فرش المكياج
استثمري في فرش بجودة عالية لأنها بتدوم معاكي وبتدي نتيجة أفضل.
نظفي فرشك بانتظام بعد ل استخدام عشان تحافظي على صحة بشرتك وتطلعي بأحسن نتيجة.
استخدمي فرش ناعمة علشان المكياج يطلع متساوي وناعم.
جربي كل فرشة على يدك الأول عشان تتعودي على ملمسها وطريقة توزيعها.
فا لو عايزة تسألي عن فرش مايت سينما الأحترافية وايه الأفضل لأستخدامك ؟
كلمينا ، وفريقنا هيساعدك توصلي للاختيار المثالي ✨