المدونة
5 أخطاء في استخدام الكونتور 80% من البنات بيقعوا فيها … وإزاي تتفاديها بسهولة!
الكونتور بقى جزء أساسي من روتين الميكب لأي بنت بتحب تحدد ملامح وشها وتبرز جمالها بطريقة سهلة .
بس الغلطة اللي بتقع فيها أغلب البنات واللي ممكن بكل بساطة تخلي الكونتور يقلب بهدلة… بدل ما يطلع ناعم وطبيعي!
إيه الغلطلطات دي؟
وإزاي تصلحيها بسهولة حتى لو مبتدئة؟
تعالي نعرف كل حاجة مع شوية تريكات سريعة.
أول وأهم مشكلة ..
1- انك تحطي الكونتور في المكان الغلط!
أكتر خطأ منتشر هو إن البنات بترسم الكونتور تحت عظمة الخد بطريقة مبالغ فيها أو في مكان منخفض قوي، وده بيخلي الوش يبان “نازل” ومجهد بدل ما يكون مشدود وحيوي.
تخيلي؟ خطوة صغيرة زي دي ممكن تغير شكل وشك كله!
طيب، فين المكان الصح؟
➔ الكونتور مش المفروض يتحط تحت العظمة!
المكان الصح هو على حافة عظمة الخد، مش تحتيها.
- حسي بعظمة خدك بأطراف صوابعك.
- بعدين، ارسمي خط خفي (رفيع مش سميك) فوقها أو على طرفها بالظبط.
- بعدين ادمجيه لفوق مش لتحت.
ولمعلوماتك بس..
“أي حاجة تدمجيها لتحت = بتسحب وشك لتحت.
أي حاجة تدمجيها لفوق = بترفع وشك لفوق.”
2- نوع الكونتور يفرق
الألوان الباردة (مش برتقالية) بتدي نتيجة أنعم وطبيعية أكتر.
لو مبتدئة، استخدمي كونتور كريمي سهل الدمج.
3- اقل كمية = أحلى نتيجة
أخدتي نقطة صغيرة من الكونتور؟ كفاية!
- حطيه بشكل خفيف وخليكي تتحكمي في الشدة على طبقات خفيفة.
- مش لازم تبيني إنك عاملة كونتور… المفروض يبقى شبه ظل طبيعي على وشك.
4- الفرشة المناسبة سر الشطارة
- استخدمي فرشة صغيرة أو بيوتي بلندر مدببة علشان تدمجي الكونتور بدقة.
- دايمًا حركي الفرشة أو البلندر لفوق بحركات خفيفة جداً (مش تفريكية).
5-اعتمدي على الإضاءة البيضاء
اعملي الكونتور في نور أبيض نظيف،
لأن النور الأصفر أو الضعيف ممكن يخدعك ويخليكِ تحطي كمية أكبر من اللازم!
بأختصار الكونتور الناجح مش المفروض يبقى أوضح من ملامحك…
هو المفروض يكون زي همسة خفيفة بتحدد ملامحك وتبرزها بشكل أنثوي وجذاب.
فكل مرة تحسي إنك حابة تبيني خدودك أكتر، فكري:
مش تحت العظمة…
على طرفها… وبلمسة خفيفة لفوق.
وهتلاقي فرق مش طبيعي في شكلك كله!
ولو متعرفيش ايه انسب كنتور من منتجاتنا ليكي؟
كلمينا في أي وقت، وفريقنا هيساعدك توصلي للاختيار المثالي ✨