المدونة
هل الميكب بيبوّظ البشرة؟ الحقيقة اللي محدش هيقولهالك!
من أكتر الأسئلة اللي بتتسئل:
“هو الميكب بيبوّظ البشرة؟”
والإجابة مش بنعم أو لأ… الموضوع أعمق من كده، لأن الميكب مش هو المشكلة، لكن “إزاي بنستخدمه” هو السر الحقيقي.
تعالي نفهم مع بعض:
أولًا: الميكب مش عدو لبشرتك
المنتجات التجميلية دلوقتي بقت مليانة مكونات محسّنة للبشرة:
- مرطبات
- مضادات أكسدة
- فيتامينات زي C و E
- وحتى SPF في بعض الأنواع
يعني ممكن تلاقي فاونديشن بيرطّب، وبرايمر بيعالج المسام، وكونسيلر فيه كولاجين!
بس كل ده ما يضمنش حماية لبشرتك لو الاستخدام غلط.
المشكلة الأساسية = “عدم إزالة الميكب صح”
أكبر كارثة بتعملها البنات هي إنها:
- تنام بالميكب
- أو تغسله بطريقة سطحية
- أو تعتمد على المناديل المبللة بس
ده بيعمل:
- انسداد مسام
- حبوب تحت الجلد
- بشرة باهتة
- شيخوخة مبكرة
افتكري ديما أن :
“الميكب مش مضر… الإهمال في تنظيفه هو الضرر الحقيقي!”
لازم تجهزي بشرتك قبل الميكب
البشرة محتاجة ترطيب أو سكراب لو فيها قشور، مهما كان نوع الميكب، هيبوظ معاها.
قبل أي ميكب لازم تعملي:
- غسول مناسب لنوع بشرتك
- تونر أو ماء ورد
- سيروم أو مرطب خفيف
- برايمر مناسب (خصوصًا للمسام الواسعة)
- واقي شمس لو بتتعرضي للشمس
- تقشير خفيف للبشرة
كل خطوة منهم بتخلي شكل الميكاب أفضل وبتحمي بشرتك من امتصاص الميكب وتخليه بفضل فوق الجلد مش جواه.
وطبعا فيه منتجات ميكاب غير مناسبة هتسببلك مشاكل
- لو استخدمتي فاونديشن تقيل لبشرتك الدهنية → هيزيت المسام وتطلع حبوب
- لو استخدمتي منتجات فيها عطور قوية لبشرة حساسة → ممكن يحصل تهيج واحمرار
- ولو استخدمتي أدوات ميكب مش نظيفة → البكتيريا هتشتغل شغلها
فالمفتاح هنا هو اختيار المنتج المناسب، مش بس أغلى أو أشهر ماركة.
✔️هقولك خطوات بسيطة تخلي الميكب آمن لبشرتك:
✅ نظّفي أدواتك (الفرش – البلندر) مرة أسبوعيًا
✅ شيلي الميكب كويس بمزيل + غسول + تونر
✅ اختاري منتجات خالية من الكحول والعطور لو بشرتك حساسة
✅ اعملي “ميكب فري داي” مرة أو مرتين في الأسبوع تريّحي فيه بشرتك
✅ ماتستخدميش ميكاب بعد فترة الصلاحية!
ومعلومة مهمة:
حتى لو الميكب مثالي، لو بشرتك تعبانة داخليًا (أكلك، نومك، شرب المياه)، هتفضل تعاني مهما صرفتي عليه.
فأهم استثمار تعمليه مش في الميكب…
هو في العناية ببشرتك الأساسية.
لأن الميكب مش العدو، هو أداة تجميل زيه زي أي حاجة.
لكن لو اتعاملنا معاه غلط، بيقلب ضدنا.
اهتمي بروتينك اليومي، اختاري صح، ونضفي صح… ووقتها الميكب هيبقى صديقك مش سبب تعب بشرتك.
ولو محتاجة مساعده أكتر في ادوات الميكاب اللي محتاجاها او الانسب ليكي..
كلمينا في أي وقت، وفريقنا هيساعدك توصلي للاختيار المثالي ✨